હજી હમણાં સુધી, આપણે સૌ પોતપોતાના પીસી/લેપટોપમાં જ કામ કરવા ટેવાયેલા હતા. કમ્પ્યૂટર પોતાનું, એમાં પ્રોગ્રામ પણ પોતાના અને જે ફાઇલ બનાવીએ એ પણ આપણી જ. પછી તેને બીજા સાથે શેર કરીએ. એ તેને પોતાના કમ્પ્યૂટરમાં ડાઉનલોડ કરી, તેના પર કામ કરે. કોરોનાને કારણે વર્ક-ફ્રોમ-હોમ, ત્યાર પછી વર્ક-ફ્રોમ-એનીવ્હેર અને હવે હાઇબ્રિડ એટલે કે ઘર અને ઓફિસની ભેળસેળ હોય એવું વર્ક કલ્ચર આવ્યું છે ત્યારે સૌને સમજાવા લાગ્યું છે કે બધું કામ એક પીસી પર આધારિત હોય એવી રીતે કામ કરવું તો મુશ્કેલ છે!
