હમણાં આપણે ગૂગલની ફોટોઝ સર્વિસની વિગતવાર વાત કરી ત્યારે તેની એક ખૂબી તરફ તમારું ખાસ ધ્યાન ખેંચાયું હશે.
આ સર્વિસમાં ફોટોઝ અપલોડ કર્યા પછી આપણે કશું જ કરવાનું હોતું નથી છતાં ફોટોઝ સર્વિસ તારીખ-મહિના અને વર્ષ અનુસાર ફોટોગ્રાફ આપોઆપ સોર્ટ કરે છે. એ ઉપરાંત ફોટોગ્રાફમાંની વ્યક્તિ, વિવિધ બાબતો તથા લોકેશન અનુસાર પણ ફોટોગ્રાફ્સનાં આપોઆપ આલબમ તૈયાર થાય છે અને એ જ રીતે આપણે સર્ચ પણ કરી શકીએ છીએ.
