ટેકનોલોજીની દુનિયામાં અત્યારે એક રસપ્રદ ચડસાચડસી ચાલી રહી છે. પીસી અને લેપટોપમાં ઓફિસ પ્રોગ્રામ્સ તરીકે વર્ષોથી માઇક્રોસોફ્ટનું રાજ છે, પરંતુ ઇન્ટરનેટ પર ગૂગલ આ ઇજારો તોડવા માટે સતત પ્રયત્નશીલ છે. ગૂગલ તેની ડ્રાઇવ સર્વિસ (drive.google.com)માં યૂઝરને ૧૫ જીબી સ્ટોરેજ ફ્રી આપે છે. સાથોસાથ ગૂગલ ડ્રાઇવમાં માઇક્રોસોફ્ટના સૌથી વધુ વપરાતા વર્ડ, એક્સેલ અને પાવર પોઇન્ટ પ્રોગ્રામના હરીફ જેવા ડોક્સ, શીટ્સ અને સ્લાઇડ્સ પ્રોગ્રામ આપવામાં આવ્યા છે. ગૂગલના આ ત્રણેય પ્રોગ્રામ માઇક્રોસોફ્ટના પ્રોગ્રામ જેટલા ફીચર્સ ધરાવતા નથી પરંતુ એ જ કારણે સરેરાશ યૂઝર્સ માટે તેનો ઉપયોગ વધુ સરળ બને છે.
