સ્માર્ટફોનથી આપણા સૌની જિંદગી બદલાઈ રહી છે – આપણે માનીએ છીએ એના કરતાં ઘણી જુદી જુદી રીતે.
આજે એક જ પરિવારના લોકો, એક જ રૂમમાં બેઠા હોય, પણ સૌ પોતપોતાના મોબાઇલમાં પરોવાયેલા હોય એવાં દૃશ્યોની નવાઈ નથી.
થોડા સમય પહેલાં, દાદા-દાદીઓને પરિવાર તેમના તરફ પૂરતું ધ્યાન આપતો નથી એવી ફરિયાદ હતી, પણ હવે તેઓ પોતે પણ વોટ્સએપમાં મશગૂલ થવા લાગ્યાં છે. પણ, જેના હાથમાં હજી સ્માર્ટફોન આવ્યા નથી, એ નાનાં બાળકોને, મમ્મી-પપ્પાનું સ્માર્ટફોનનું જબરું વળગણ કેવી અસર થાય છે એ વિચારવાની તાતી જરૂર છે.