અત્યાર સુધી વોટ્સએપમાં આપણી બધી વાતચીત આપણા ખરેખરા સ્વજનો અને મિત્રો સાથેની રહી છે. જોકે મેટા કંપનીએ તોતિંગ કિમતે વોટ્સએપ ખરીદી લીધા પછી કંપની સતત તેમાંથી કમાણી કરવાના રસ્તા શોધી રહી છે. એ માટે વોટ્સએપમાં ચેનલ અને કમ્યૂનિટી જેવાં ફીચર ઉમેરાયાં. જોકે કંપની તેમાંથી કોઈ સીધી કમાણી કરતી નથી. પરંતુ વોટ્સએપ બિઝનેસ એપીઆઇ જેવી સર્વિસની મદદથી મેટા કંપની ધીમે ધીમે વોટ્સએપમાંથી પણ કમાણી કરવાના રસ્તા વિકસાવી રહી છે.
