જો તમે વિવિધ ઓનલાઇન સર્વિસમાં તમારા એકાઉન્ટને સલામત રાખવા માટે ટુ-સ્ટેપ વેરિફિકેશનનો ઉપયોગ કરતા હશો તો તમે જાણતા હશો કે આ બધી સર્વિસમાં આપણે પોતાનું યૂઝરનેમ અને પાસવર્ડ આપીએ તે પછી એ સર્વિસમાં આપણે આપેલા રજિસ્ટર્ડ મોબાઇલ નંબર પર એસએમએસમાં વનટાઇમ પાસવર્ડ (ઓટીપી) આવે છે.
એ ઓટીપી આપ્યા પછી જ આપણે જે તે સર્વિસમાં લોગઇન થઈ શકીએ. આ પદ્ધતિ હવે બદલાશે. ઇન્ટરનેટ પરની ઘણી બધી ઓનલાઇન સર્વિસમાં ટુ-સ્ટેપ વેરિફિકેશનની સલામતી લાંબા સમયથી મળવા લાગી છે. નવાઈની વાત એ હતી કે ભારતની ઘણી બેંકની વેબસાઇટ પર નેટબેંકિંગમાં લોગઇન થતી વખતે ઓટીપી આપવો જરૂરી બને તેવી સલામતીની વ્યવસ્થા ઘણી મોડેથી રજૂ થઈ.
