તમને પેલી જૂની પુરાણી ફ્લોપી ડિસ્ક યાદ છે? ઘણા વાચકો કદાચ એવા હશે કે જેમણે ફ્લોપી ડિસ્કનું નામ તો સાંભળ્યું હશે પણ ક્યારેય જોઈ નહીં હોય. આજના સમયમાં આપણે ૩-૪ જીબી ડેટાની પણ ફટાફટ આપલે કરી શકીએ છીએ. ડેટાની આપલે કરવા માટે વપરાતી પેનડ્રાઇવની કેપેસીટી ૬૪ જીબી હોય એ સાવ સામાન્ય થઈ પડી હોવા છતાં તેનો ઉપયોગ પણ હવે ભૂલાવા લાગ્યો છે. કારણ કે આપણે ફાસ્ટ ઇન્ટરનેટની મદદથી લગભગ ગમે તેટલો ડેટા સહેલાઈથી જોઈએ ત્યાં ટ્રાન્સફર કરી શકીએ છીએ.
