ભારતના અનેક પરિવારોમાં જે સ્થિતિ હોય છે તે કદાચ તમારા પરિવારમાં પણ હશે.
દીકરો કે દીકરી આઠમા-દસમા ધોરણમાં આવી ગયાં હોય, તેમને સ્કૂલ ઉપરાંત, ટ્યૂશન કે અન્ય જુદા જુદા ક્લાસિસની દોડધામ વધી ગઈ હોય. ઉંમરનું ઓછી હોય એટલે આપણે હજી તેમને પોતાનું વાહન અપાવી શક્યા ન હોઈએ. રોજ તેમણે બસ કે રીક્ષામાં આવનજાવન કરવાની હોય. એક્ટિવા કે સ્કૂટી હોય તો પણ રોજિંદા નાના મોટા ખર્ચ માટે તેમણે ખિસ્સામાં રોકડ રૂપિયા રાખવા પડે.
બીજી તરફ, આપણે પોતે પોતાના સ્માર્ટફોનમાં યુપીઆઇ પેમેન્ટ્સ ઇન્ટરફેસ (યુપીઆઇ) એપની મદદથી ફટાફટ પેમેન્ટ કરતા હોઇએ.
