
આજનો નવો સમય કોલાબોરેશનનો છે. દરેક પ્રકારના કામકાજમાં ટીમવર્કનું મહત્ત્વ પહેલેથી રહ્યું છે. પરંતુ આજના સમયમાં ટીમવર્કનો અર્થ બદલાયો છે. નવી દુનિયામાં એક ટીમના લોકો દુનિયાના અલગ અલગ ખૂણે પથરાયેલા હોઈ શકે છે અને એ સૌ જુદા જુદા ટાઇમ ઝોનમાં હોવાથી એક જ પ્રોજેક્ટ પર અલગ અલગ સમયે કામ કરતા હોય તેવું પણ બની શકે. આથી તેમની વચ્ચે કામની યોગ્ય સમજ અને સંતુલન જળવાય તે જરૂરી છે – એકબીજા સાથે સીધી વાતચીત કર્યા વિના.