તમને ‘ઓરકૂટ’નો જમાનો યાદ છે? સોશિયલ મીડિયાનો પરિચય આપણને એ સર્વિસથી થયો એવું કહી શકાય. એ સમયે, એ સમયની યંગ જનરેશન ઓરકૂટ પર એકબીજા સાથે કનેક્ટેડ રહેતી અને જાતભાતની ગપસપ ઇન્ટરનેટના ઓટલે ચાલ્યા કરતી. એ પછી ફેસબુકની એન્ટ્રી થઈ ને ઓરકૂટ ભૂલાઈ ગયું. આગળ જતાં ટવીટર, ઇન્સ્ટાગ્રામ, સ્નેપચેટ, ટિકટોક વગેરે સોશિયલ મીડિયા પ્લેટફોર્મ્સ વિકસ્યાં અને આપણે સૌ તેના પર રચ્યાપચ્યા રહેવા લાગ્યા. પછી વોટ્સએપ આવ્યું અને નજીકના મિત્રો કે સંબંધીઓ સાથે સંપર્કમાં રહેવા માટેનું આ મજાનું માધ્યમ વડીલોને પણ એકદમ ગોઠી ગયું.
