હમણાં જી-૨૦ સમિટ દરમિયાન ભારત આવેલા નેધરલેન્ડના પ્રાઇમ મિનિસ્ટરે બેંગ્લુરુમાં રસ્તા પરની એક કીટલી પર મસાલા ચાયની મજા માણી. પછી તેનું પેમેન્ટ યુપીઆઇથી કર્યું. તેમની જેમ જ, જર્મનીના એક પ્રધાને એક શાકભાજીવાળા પાસેથી ખરીદી કરી અને પેમેન્ટ કરવા માટે તેમણે પણ યુપીઆઇ વ્યવસ્થાનો ઉપયોગ કર્યો. આ પહેલાં, ભારત આવેલા અન્ય વિદેશી મહાનુભાવોએ પણ યુપીઆઇથી ઓનલાઇન પેમેન્ટ કરવાનો જાત અનુભવ કર્યો છે અને એ સૌનો લગભગ એક જ પ્રતિભાવ રહ્યો છે, ‘‘સિમ્પલ એન્ડ ઇઝી, અમેઝિંગ!’