તમારો સ્માર્ટફોન ક્યારેક પૂરતી ફૂરસદે હાથમાં લઇ જુઓ. આમ તો આ કામ આપણે રોજેરોજ કરીએ છીએ – ફૂરસદ હોય કે ન હોય! પરંતુ અત્યારે વાત સ્માર્ટફોન હાથમાં લઇને સોશિયલ મીડિયા કે યુટ્યૂબ કે ગેમ્સમાં ખાબકવાની નથી. વાત મૂળ સ્માર્ટફોનમાં જ થોડાં ખાખાંખોળાં કરવાની છે. તમે સ્માર્ટફોનમાં સ્ટોર થયેલી વિવિધ ફાઇલ્સ તપાસશો તો કે ખ્યાલ આવશે કે આપણાં કેટલાય મહત્ત્વનાં ઇમ્પોર્ટન્ટ ડોક્યુમેન્ટ્સ સ્માર્ટફોનમાં ખૂણેખાંચરે દટાયેલાં પડ્યાં છે. તકલીફ એ છે કે આ બધાં ડોક્યુમેન્ટ્સ આપણા સ્માર્ટફોનમાં પહોંચે તેના રસ્તા જુદા જુદા છે.
