
તમારા ઘરમાં હજી તો માંડ પગલાં માંડતાં શીખતું કોઈ ટાબરિયું છે? તમે સોફા પર લહેરથી અડિંગો જમાવી, ટીપોઇ પર લેપટોપ ગોઠવી ઓફિસનું કામ કરતા હો અને થોડી વાર માટે પગછૂટો કરવા માટે ઊભા થાઓ તો તમારા લેપટોપ પર હુમલો થયો જ સમજો. આવા સમયે કમ્પ્યૂટરના સ્ક્રીન પર જે પ્રોગ્રામ ચાલુ હોય તેમાં ખાનાખરાબી થાય એ નક્કી. ડોક્યુમેન્ટ હોય તો ડિલીટ થઈ શકે અને જીમેઇલમાં કોઈ મેઇલ ઓપન હોય તો અગડમબગડમ કીસ્ટ્રોક સાથે તમારા બોસને મેઇલ સેન્ડ થઈ શકે છે!