આરોગ્ય સેતુ એપમાં નવાં ફીચર્સ ઉમેરાયાં છે, પરંતુ તે ખરેખર ઉપયોગી ત્યારે થઈ શકે જ્યારે વધુમાં વધુ લોકો તેનો ઉપયોગ કરતા થાય.
કોરોના વાઇરસના પ્રસારનો સામનો કરવા માટે વિશ્વના દરેક દેશ પોતાની રીતે પ્રયાસ કરી રહ્યા છે અને તેમાં ટેકનોલોજીનો ભરપૂર ઉપયોગ થવા લાગ્યો છે. ભારત સરકારે કોન્ટેક્ટ ટ્રેસિંગની મદદથી કોરોના વાઇરસથી સંક્રમિત થવાની વધુ સંભાવના ધરાવતા લોકોને ઓળખીને વાઇરસના પ્રસારની સાંકળ તોડવા માટે ‘આરોગ્ય સેતુ એપ’ વિકસાવી છે.