છેલ્લા થોડા સમયથી, ભારતમાં ઓનલાઇન પેમેન્ટ ખાસ્સું વેગ પકડી રહ્યું છે. આ ક્ષેત્રે નીતનવા ફેરફાર પણ થઈ રહ્યા છે. તેનાથી અપડેટેર રહેવાના સીધા ફાયદા છે!
ભારતમાં ઓનલાઇન પેમેન્ટ, ખાસ કરીને યુનિફાઇડ પેમેન્ટ્સ ઇન્ટરફેસ (યુપીઆઇ) આધારિત ઓનલાઇન પેમેન્ટને સતત વેગ મળી રહ્યો છે. સીધા એક બીજા બેન્કના ખાતામાંથી બીજી બેન્કના ખાતામાં લેવડદેવડ કરતી આ વ્યવસ્થામાં હવે જુદી જુદી ઘણી બેન્ક્સ અને ખાનગી કંપનીની એપ્સ સંકળાઈ છે. ખાસ કરીને કોરોના પ્રસાર પછી હાથના સંપર્ક વિના રકમની લેવડદેવડ કરવા બાબતે પણ લોકોમાં વધુ જાગૃતિ આવી છે.
ઉપરાંત, મોબાઇલ વોલેટથી વિપરિત, યુપીઆઇમાં વિવિધ એપ્સ એકમેક સાથે કનેક્ટેડ હોવાથી, આપણું અને વેપારીનું એક જ એપમાં એકાઉન્ટ હોવું જરૂરી નથી. આ કારણે પણ યુપીઆઇ એપનો ઉપયોગ વધી રહ્યો છે. યુપીઆઇ ઉપરાંત, બેન્કિંગ ક્ષેત્રે પણ નોંધપાત્ર ફેરફારો આવી રહ્યા છે.
આવો એ બધા પર ફટાફટ એક નજર નાખીએ…
