ઇન્ટરનેટ પર આપણે અનેક સર્વિસમાં એકાઉન્ટ ખોલાવીએ છીએ અને પછી તેને ભૂલી જઈએ છીએ! આવાં બિનઉપયોગી ખાતાં આપણને નડે તે પહેલાં તેને શોધીને ડિલીટ કરવાં જરૂરી છે.
સાવ સાચું કહેજો – તમે કુલ કેટલાં બેન્ક ખાતાં ધરાવો છો? ચિંતા ના કરશો – આ કોઈ ઇન્કમટેક્સ અધિકારી તરફથી પૂછાયેલો સવાલ નથી! મુદ્દો એ છે કે આપણે પોતાનાં સેવિંગ્સ, કરન્ટ, ફિક્સ્ડ ડિપોઝિટ, લોન વગેરે માટે ખોલેલાં બેન્ક ખાતાંની સંખ્યા પણ તરત કહી શકતા નથી, તો પછી આપણે આંખો મીંચીને, ધડાધડ ખોલેલાં ઓનલાઇન ખાતાં વિશે તો કહેવું જ શું?
