આધાર પેમેન્ટ અટકાવાયું!

ભારતમાં ફક્ત એક આધાર નંબરને આધારે અનેક પ્રકારની સુવિધાઓ શરૂ કરવાનાં ભારત સરકારનાં સ્વપ્નો સાકાર કરવામાં એક પછી એક અડચણો આવી રહી છે. આવો એક લેટેસ્ટ અવરોધ આવ્યો છે, ફક્ત આધાર નંબરને આધારે રકમની આપલે શક્ય બનાવવાની સુવિધા આડેનો અવરોધ.

જો તમે યુનિફાઇડ પેમેન્ટ્સ ઇન્ટરફેસ (યુપીઆઈ)નો ઉપયોગ કરતા હશો અને ભીમ, પેટીએમ, ગૂગલ તેઝ કે બેન્કની કોઈ પણ યુપીઆઇ એપનો ઉપયોગ કરતા હશો તો તમે જાણતા હશો કે તેમાં આપણે વિવિધ રીતે કોઈ પણ વ્યક્તિને સહેલાઈથી રકમ મોકલી શકીએ છીએ.