સવાલ મોકલનાર : હેમંત ચુડાસમા, અમદાવાદ

એપલ કંપનીના આઇફોન અને ગૂગલની એન્ડ્રોઇડ ઓપરેટિંગ સિસ્ટમ ધરાવતા સ્માર્ટફોનમાં એક પાયાનો તફાવત એ છે કે એપલના આઇફોનમાં એપલે ડિઝાઇન કરેલી આઈઓએસ ઓપરેટિંગ સિસ્ટમ કોઈ પણ ફેરફાર વગર ઉપયોગમાં લેવામાં આવે છે કારણે આઇફોનના મેન્યુફેક્ચરિંગ પર એપલનો જ અંકુશ છે. જ્યારે એન્ડ્રોઇડના કિસ્સામાં વિવિધ હેન્ડસેટ મેન્યુફેકચરિંગ કંપનીને ગૂગલ પોતાની ઓપરેટિંગ સિસ્ટમ એન્ડ્રોઇડનું બિલકુલ પાયાનું વર્ઝન તદ્દન ફ્રી આપે છે અને મેન્યુફેકચરિંગ કંપની તેમાં પોતપોતાની રીતે વિવિધ સુવિધા ઉમેરે છે.