કેન્ડીડ ફોટોગ્રાફી માટે કામની એપ્સ

અણી ચૂક્યો માણસ કદાચ સો વર્ષ જીવતો હશે, પણ ક્ષણ ચૂકેલા ફોટોગ્રાફની કોઈ કિંમત નથી. વિચારના ઝબકારા સાથે જ તમે કોઈ ક્ષણ તસવીરમાં કેદ કરી લેવા માગતા હો તો બે ખાસ એપ સ્માર્ટફોનમાં ઇન્સ્ટોલ કરવા જેવી છે.

આગળ શું વાંચશો?

  • સ્નેપશોટ
  • ક્વિક કેમેરા

સારી ફોટોગ્રાફીમાં જેટલું મહત્વ પ્રકાશના સંયોજનનું છે, એટલું જ સમયનું છે. એટલે જ ફોટોગ્રાફીમાં ‘કેન્ડીડ ફોટોગ્રાફી’ની આવડત મહત્વની ગણાય છે.

કેન્ડીડ ફોટોગ્રાફી એટલે એવી ફોટોગ્રાફી જેમાં તમે જેનો ફોટોગ્રાફ લઈ રહ્યા હોય એ પોતાની સામે કેમેરા મંડાઈ રહ્યો છે એ હકીકત પ્રત્યે બેધ્યાન હોય, અથવા કહો કે પોતાના મૂળ મિજાજમાં હોય ત્યારે તેમનો ફોટોગ્રાફ લઈ લેવામાં આવે.

તમે કોઈની સામે કેમેરા ધરો, પછી ‘સ્માઇલ પ્લીઝ’ કે ‘સે ચી…ઝ….’ જેવું કંઈક કહો અને પછી પેલી વ્યક્તિ તમારા હુકમ મુજબ સ્માઈલ આપવાની કોશિશ કરે… આ બધી કસરતમાં ફોટોગ્રાફની મૂળ મજા મરી જાય. જે મળે એ નકલી, પ્લાસ્ટિક સ્માઇલ જ હોય.

બીજી તરફ એવું પણ ઘણી વાર બનતું હશે કે તમે કોઈ મજાની ક્ષણના સાક્ષી બનો, એને તરત કેમેરામાં કેદ કરી લેવાનું વિચારો, પણ કેમેરા તૈયાર કરી રહો ત્યાં પેલી ક્ષણમાંથી મજા સરી ગઈ હોય.

સ્માર્ટફોન આવી ગયા પછી કેન્ડીડ ફોટોગ્રાફી પ્રમાણમાં થોડી સહેલી થઈ છે, ખિસ્સામાંથી ફોન કાઢો ને ક્લિક કરો એટલી જ વાર! પણ ફોન હાથમાં લીધા પછી ક્લિક થવા સુધીમાં ઘણાં બધાં પગલાંનું અંતર હોય છે.

જો તમને તમારો સ્માર્ટફોન કોઈ ચોક્કસ પેટર્ન કે પાસવર્ડથી લોક રાખવાની ટેવ હોય (જે હોવી જ જોઈએ!) તો પહેલાં ફોન અનલોક કરવો પડે, પછી જો તમે હોમસ્ક્રીન પર કેમેરાનો શોર્ટકટ રાખ્યો ન હોય તો એપ ડ્રોઅરમાં જઈને કેમેરા એપ શોધવી પડે (એન્ડ્રોઇડ લોલિપોપમાં અને કેટલાક ફોન કે લોન્ચરમાં રાઇટ સ્વાઇપથી કેમેરા એપ સ્ટાર્ટ કરવાની સગવડ હોય છે ખરી), પછી કેમેરા એપ સ્ટાર્ટ થાય એની રાહ જોવાની, સબ્જેક્ટ સામે કેમેરા ધરવાનો, પ્રોપર ફોકસ થાય એની રાહ જોવાની… અને પછી ક્લિક કરવાનું.

આ રીતે ફોટોગ્રાફી થાય, પણ કેન્ડીડ ફોટોગ્રાફી ન થાય.

આવો જાણીએ એવી બે એપ, જે અપણું કામ પ્રમાણમાં સહેલું બનાવી શકે છે.

Please to view this content. (Not a member? Join Today!)
https://cybersafar.com/cybersafar_043-september-2015/
September-2015

ક્લિક કરો, અંક જુઓ

LEAVE A REPLY

Please enter your comment!
Please enter your name here