કોઈ તમારા ઈ-મેઇલ એકાઉન્ટ પર કબજો જમાવે તે પહેલાં…

તમને ક્યારેક તમારા કોઈ મિત્ર કે પરિચિતના ઈ-મેઇલ આઇડી પરથી, ખરેખર એમણે ન મોકલ્યો હોય એવો ઈ-મેઇલ આવી પડ્યો હશે. એ વ્યક્તિનું ઈ-મેઇલ એકાઉન્ટ કોઈ હેક કરી લે અને તેમના કોન્ટેક્ટ લિસ્ટમાં રહેલી તમામ વ્યક્તિને ખોટા ઈ-મેઇલ મોકલવા લાગે ત્યારે આવું થતું હોય છે. હેકરે એ એકાઉન્ટમાં ઘૂસાડેલા પ્રોગ્રામથી આવા સ્પામ મેઇલ્સ રવાના થવા લાગતા હોય છે.