જાણીતી વેબસાઇટ સીનેટ (cnet.com)ના એક્ઝિક્યુટિવ એડિટર ડેવિડ કાર્નોયના એક સંબંધી થોડા સમય પહેલાં ઘરની સાફસૂફી કરતા હતા ત્યારે તેમને બેઝમેન્ટમાંથી તેમનું પોતાનું જૂનું કમ્પ્યુટર મળી આવ્યું. એ કમ્પ્યુટર માટે ‘જૂનું’ વિશેષણ પૂરતું નથી. એ કોલ્બી વૉકમેક છે, પહેલું બેટરી ઓપરેટેડ કમ્પ્યુટર અને એલસીડી ડિસ્પ્લેવાળું પહેલું પોર્ટેબલ મેક કમ્પ્યુટર! આ કમ્પ્યુટરને આપણે લેપટોપનો પિતામહ કહી શકીએ! આ કમ્પ્યુટર એપલે નહીં પણ કોલ્બી સિસ્ટમ્સના ચક કોલ્બીએ ૧૯૮૨માં બનાવ્યું હતું.