રોજિંદા દિવસોમાં સ્કૂલ અને ટ્યૂશનમાં ગળાડૂબ રહેતાં બાળકો દિવાળી વેકેશનના શરૂઆતી ઉત્સાહ પછી, ટીવી અને વીડિયો ગેમ રમી રમીને થાક્યાં હશે. કોઈ પ્રવૃત્તિ વિના કંટાળીને ‘હવે શું કરું?' એવો સવાલ કરી કરીને હવે તમને પણ થકવવા લાગ્યાં હશે.
આવી સ્થિતિમાં અજમાવી જુઓ આ સોફ્ટવૅર! સોફ્ટવેરનું નામ છે આર્ટરૅજ અને એમ્બિયન્ટ ડિઝાઇન નામની કંપનીએ એ ડેવલપ કર્યું છે.
આજની દોડધામભરી જિંદગીમાં આપણે સૌએ પોતાની હોબીઝ અને ક્રિએટિવિટી તડકે મૂકી દેવી પડે છે અને કદાચ એટલે જ સંતાનને ક્રિએટિવ બનાવવાની ઇચ્છા સૌ કોઈ પર હાવી હોય છે. પણ એમ કંઈ બાળકના હાથમાં કાગળ, પીંછી અને રંગ પકડાવી દેવાથી એનામાં સર્જનાત્મકતા ખીલતી નથી. એ માટે તો એને ગમે એવું વાતાવરણ જોઈએ. આજના બાળકને આવું વાતાવરણ મળે છે કમ્પ્યૂટરમાં.
આર્ટરૅજ સોફ્ટવેર. સોફ્ટવેર સ્ટાર્ટર અને ફૂલ એમ બે વર્ઝનમાં ઉપલબ્ધ છે. સ્ટાર્ટર વર્ઝન મફત છે અને આપણા માટે એય ઘણું કામનું છે. સૌથી મજાની વાત એ છે કે આ સોફ્ટવેરમાં તમારે કોઈ કોમ્પ્લેક્સ ટૂલ સેટિંગ્સ શીખવાની જરૂર નથી. |
આ સવાલનો જવાબ છે આ આર્ટરૅજ સોફ્ટવેર. સોફ્ટવેર સ્ટાર્ટર અને ફૂલ એમ બે વર્ઝનમાં ઉપલબ્ધ છે. સ્ટાર્ટર વર્ઝન મફત છે અને આપણા માટે એય ઘણું કામનું છે. સૌથી મજાની વાત એ છે કે આ સોફ્ટવેરમાં તમારે કોઈ કોમ્પ્લેક્સ ટૂલ સેટિંગ્સ શીખવાની જરૂર નથી. પીંછી, પેન્સિલ, ક્રેયોન, સ્કેચપેન... આ બધાં જૂનાં ને જાણીતાં સાધનો અહીં ડિજિટલ ફોર્મમાં હાજર છે. બસ, કલ્પના દોડાવો અને કેન્વાસ - સોરી - સ્ક્રીન પર એને સાકાર કરવા માંડો!
તો આ દિવાળીએ તમારા બાળકને (અને ખરેખર તો ખુદને પણ!) આપો એક સરસ મજાની, આર્ટિસ્ટિક ગિફ્ટ!
Share with friends
| Comments |
|
